بالفيديو مونيكا : نحن شلة وصاحبات بنحب بعض
طرحت الفنانة سودانية الجنسية مونيكا روبرت فيديو كليب جديد ومتميز بعنوان” لمة وداع” ودارت احداث الكليب داخل “مول الواحة”
وفي تصرح ليها من قبل قالت ان حبي للشعب السوداني ما دفعني للغناء .
حيث وجد الكليب -بحسب ما رصد محرر سودافاكس- قبول كبير من قبل متابعي صفحة الفنانة مونيكا روبرت
الكليب كلمات والحان : مهدي مصطفي .
كما قالت وبحسب ما رصده محرر -سودافاكس-في حديثها عن الكليب :
نحن شلة
وصاحبات بنحب بعض
وبنخاف علي بعض وخوتنا طول العمر …ومافي اجمل من احساس انو في ناس حولك اكونو سندك وبتحبهم اكتر من روحك …واحدة من الشلة حانفقدا لانو ماشة بيتا وحياتا الخاصة حزنانين وفرحانين في وقت واحد حزنانين لانو حانفقد لمتا معانا زي زمان وفرحانين لانو حاتتهني في بيت سعدا … اهو دي المشاعر الصادقة والنبيلة حبينا نعكسا ليكم وبنتمني كل شلة واخوان واصحاب يبقو عشرة علي بعض واهو نحن بنودعا اليوم وهي موجودنا معانا وفي قلوبنا هدية مننا ليكم ولكل شلة …
صاغ الكلام ودوزن الالحان :
مهدي مصطفي
ابدع في التنفيذ والتوزيع وهندسة الصوت والمكساج :
محمد عبدالله قيقا
اطبخ واتقدم ليكم منتوج :
لانس للانتاج الفني والاعلامي
نشكر كل من ساهم بالعمل ومن شاركو من شلتي الحقيقيه
كل الود والحب مني ليكم انا محبتكم …
مونيكا روبرت
سودافاكس
