نشرت الحسناء السودانية ومذيعة قناة سودانية 24 الاء المبارك ، الشهيرة بـ لوشي نشرت فيديو للشاب انس سيد ( انس المغربي )يؤدى فيه قصيده الشاعر الكبير فاروق جويدة ” إغضب  .

وسرعان ما قامت لوشي بحذف الفيديو في أثناء كتابة هذا الخبر كما رصد المحرر .

وقالت الاء المبارك في منشورها :

فإن الله لا يرضى الهوان لأمةٍ كانت .. ورب الناسِ خير العالمين

فالله لم يخلق شعوباً تستكين 😔

جزاك الله خيرا اخي Anas Sayed Ali
بالفعل نحتاج لأن نغضب حتى نسترد كرامةً مهدرة كل هذة السنين

 

وعلق متابعو حسابها الشخصي قائلين :

مني احمد عبدالله
لوشي
م بتقدري علي المعتقل خليك في الميكب حبيبه
الاعلام السوداني كلو طبال طبلي معاهم لحدي ما ربنا يفرجها

عبدالجليل سمير
نقطه تحسب ليك كاول اعلاميه ونجمه مجتمع فى السودان تنحاز الى صف الغلابه المعدمين
وقفه كنا نتمناها من كل الاعلامين والفنانين ونجوم المجتمع ولكن مات قلوبهم وضمائرهم .

Sam Abdelrahim
الحل عندككككككككككككك ي استاذه الالاف البيعلقو والمتابعينك ديل عااايزين اشاره منك بسسسسسسسسس ويطلعوا مظاهرات ف شنوووووو النبي قولي ليهم لانهم بسمعوو كلامك ,,,, كفايه ساعدوك لما كديستك ميشو ضاعت ,,,,💔🌚🐸

فتح الرحمن محمد بله
تغضبي شنو ياخ انتي لو غضبتي ممكن تمشي تغير الميكاب بتاعك يازوله ابقي في ميشو بتاعك و شغل الكوفير لانو الكلام دا انتي م من ناسو
الناس ديل لو قامو عليك والله تاني في راديو دبنقا م تشتغلي

SoOso AL-drmaly
بكل بساطة يناير 2018 عيشة بجنيه اغسطس 2018 العيشة تعاين ليها بس
الحل الوحيد
الاضراب العام وتبرم علي نفسك وعد ما تمش الشغل الا الحكومة تتراجع وحا تتراجع لو بديت الاضراب بي نفسك
وعي الناس انشر ثقافة الاضراب ما تخاف من اعتقال ولا موت لان لو استمرينا كدا حا نموت ونحن ساكتين
#ثورة_الجياع
#العصيان_المدني_هو_الحل
#عصيان_السودان
#الإضراب_العام
#ثورة_الخبز
انسخ والصق المنشور
#العيش_خط_احمر

أبولؤي الدفيع
أيها اللوايشه اغضبوووا حتي تغير الحكومة مفهومها وفهمها…ضاع الوطن وضاعت القيم وضاع الضمييير….فماذا تنتظرون …ان كنتم تنتظرون ليرضي عنكم البشير او المعارضة فقد باعوكم بليل والآن هم المترفون بالنعم…

Bashir Awad
انا كده بديت اتفائل بالثورة
لوشي حاولي اطلعي الشارع اول واعملي لايف وانا متأكد الشعب كلو ح يطلع وراك وانا من ضمن الناس دي والله

 

 

وكان الفيديو الذي نشرته هو :

تعليق بواسطة فيسبوك

التعليقات


مواضيع يمكن ان تنال اعجابك



اترك رد وناقش الاخرين