الفنانة ندي القلعة تكشف تفاصيل ردها على ضابط مصري أساء للسودان (أديتو سطرين قلة قيمة لما فِهم حاجة)

روت المطربة السودانية الشهيرة ندى محمد عثمان القلعة عن تفاصيل مشكلة حدثت لها بمطار القاهرة قبل فترة مع ضابط مصري.
وقالت ندي في حوارها مع صحيفة المجهر: “كانت مشكلة بيني وبين أحد الضباط المصريين أساء للسودانيين إساءات بالغة.. ورديت عليه لدولته بنفس الإساءة وما سكت نهائي.. لأنو (هبش السودان) واتكلم كلام فارغ.. وأديتو سطرين قلة قيمة لما فِهم حاجة.. وتم حجزي في مطار القاهرة وطالبت بحضور السفير السوداني في القاهرة”.

وواصلت ندى حديثها: “في النهاية جاء مدير المطار ومدير المباحث.. واعتذروا لي وفي النهاية لقوني على حق.. الضابط قال لي السودانيين يطلعوا أيه؟؟ قلت ليه الليلة ح أوريك ال(أيه) دي ح يطلعوا شنو.. وعملت مشكلة لرب السماء ونبزتهم على قدر ما الله أداني، وفي النهاية وصولوني طيارتي ولو كنت ضعيفة ما كنتوا ح تكونوا عارفني وين هسه”.

سودافاكس – وكالات