حرامي حريف يسرق تلفون مذيعة تلفزيون السودان نسرين الامام

مكن حرامي محترف من سرقة تلفون مذيعة تلفزيون السودان نسرين حسن الامام حيث تمكن السارق من دخول منزل المذيعة وسرقة جوالها من شنطتها .
وروت نسرين قصة السرقة من خلال صفحتها بالفيس بوك قائلة :
اليوم وبعد ما خلصت من شغل البيت حممت اطفالي ودخلتهم الغرفه واحمد ولدي الكبير قاعد في الهول منتظرني اخد حمام ..
دخل شاب في عمر 16 او 17 سنه..نضيف ومهندم ومرتب..لقى احمد سألو ماما وين رد علي احمد ببراءه ماما في الحمام
طوالي دخل غرفة النوم ..بناتي الصغار بيحضرو في التلفزيون..سلم عليهم في يدهم ومشى على شنطة اليد..فتحها ..وبيفتش فيها..بتي الكبيره عاينت لي..قال ليها ماما قالت عاوزه تلفونها…لكن هنا مالقيته…
فتش لقى التلفون في الشاحن…وهو طالع على الباب صادفته جارتي..وهي بتتكلم مع ناس البيت بي شباك المطبخ(انا ساكنه في جزء من بيت اهل زوجي..والمدخل واحد)
سلم عليها بكل ادب واحترام ..وسألها ده بيت ناس احمد الصادق؟
قالت ليه لا…احمد الصادق شنو…هنا زول اسمه احمد الصادق في الحله دي كلللها مافي..
في اللحظه دي الحاجه ام زوجي سألتها…ده منو
ردت جارتي والله ماعرفته
عارفين الثانيتين ديل هو كان فتح الباب ..ويافكيك …الحاجه وجارتي واولاد الحله قلبو الشارع سماء ارض ما لقوه..
التلفون هيييين…الكلام لو كان ساق واحده في بناتي…
يعني بس نسوي شنو ياناس..

المصدر: امدرمان