فوتني وكفى – نضال حسن الحاج

فوتني وكفى
نضال حسن الحاج
*******

ارحل عشان الخوف يطش
ارحل عشان النيل يشيل تابوتي من هاذا البطش
ارحل عسى الطوفان يقيف كان انجى قلبي من اللطش
فارقني يا ضل من هجير الننجد المطر العطش
سايقاك مجاري الدم دليل والجتة تاهت في النويح
كانت ملامحك ضو وكت يتندل الليل الكسيح
ماله القصايد ما بكت درب الكتابات الجريح
زي ما الدقايق ودرت موجة غناي في أي ريح
ما كنت قبال ما تجي
بحلم معاك بي لون قزح بنشوفو كلو بنفسجي
وكنت بتعاين ليا بي طرف السحابات الشجي
وتلقاني في نص أي بيت أجمل كتابة بترجي
وكنا بنشاور للشمش
ترجانا شان نمرق سوا وتمرق وكت نمشي وتمش
وانا كت بحاحيلك جنى العينين وأدسك في الرمش
وأنا وانت نبقى رسل دفا وننفر والكون منكمش
أنا وانت نبقى رسل دفا؟
كيفن إذا انت الوحيد السنا قانون الجفا
وكيفن إذا من أي ضل بتنادي للشمس الحفا
وكيف نبقي للناس وجه خير يا زول بمد للخير قفا
فوتني وكفى
عسى هسي دي الحال ينصلح
وعسى حس كتاباتي المسيخ يلقالو في الأحزان ملح
عسى شافع الخوف اللميض الساكن القلب الملح
يمرق بعد نار فرقتك وينشر زي حطب الطلح

تعليقات الفيسبوك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.